ബെംഗളൂരു : ഈസ്റ്റർ വിഷു അവധിക്ക് നഗരത്തിൽ നിന്നുള്ള ട്രെയിൻ ടിക്കറ്റുകൾ മൂന്നുമാസം മുൻപ് തന്നെ വെയിറ്റിംഗ് ലിസ്റ്റിലേക്ക്.
ഏപ്രിൽ 8 മുതൽ 10 വരെ കേരളത്തിലേക്കുളള ട്രെയിനുകളിൽ വെയിറ്റിംങ്ങ് ലിസ്റ്റിലുള്ളത് ആയിരത്തിലേറെ പേരാണ്.
ഏപ്രിൽ 9 – പെസഹ, 10- ദു:ഖവെള്ളി, 11-രണ്ടാം ശനി, 12-ഈസ്റ്റർ, 14-വിഷു എന്നിവ വരുന്നതിനാലാണ് ട്രെയിൻ ടിക്കറ്റുകൾ വളരെ നേരത്തെ വിറ്റഴിയാൻ കാരണം.
തിരക്കേറിയ ദിവസങ്ങളിൽ പകൽ പുറപ്പെടുന്ന ട്രെയിനുകൾ മാത്രമാണ് ടിക്കറ്റുകൾ ശേഷിക്കുന്നത് .
അവധിക്കുശേഷം ഏപ്രിൽ 14നും 19നും നഗരത്തിലേക്കുള്ള ട്രെയിനുകളിലും ബുക്കിങ് സജീവമാണ് .
ഉത്സവകാലങ്ങളിൽ കേരളത്തിലേക്ക് സ്പെഷൽ ട്രെയിനുകളുടെ കാര്യത്തിൽ അനിശ്ചിതത്വം നിലനിൽക്കുന്നതിനിടയിൽ ആണ് മൂന്നുനാലു മാസം മുൻപേ ബംഗളൂരു മലയാളികൾ ടിക്കറ്റ് ഉറപ്പാക്കുന്നത്.
തിരുവനന്തപുരം വരെ സ്ലീപ്പർ കോച്ചിൽ 450 രൂപ ടിക്കറ്റ് ചാർജ് ഉളളൂ, കണ്ണൂരിലേക്കും ഏകദേശം അത്ര തന്നെ, എന്നതാണ് പ്രധാന സവിശേഷത.
ട്രെയിനിൽ ടിക്കറ്റ് ലഭിച്ചില്ലെങ്കിൽ പിന്നെ ബസ്സുകൾ ആശ്രയിക്കുകയേ നിവൃത്തിയുള്ളൂ.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
